गुरुवार, १० सप्टेंबर, २०१५

उकडीचे मोदक / Ukadiche Modak Recipe

उकडीचे मोदक :


(सर्व सामग्री रेखांकित केली आहे)

सारणासाठी :

  1. ३ मोठ्या वाट्या(२४ औंस) ताजे खोवलेले खोबरे३ वाट्या गूळ एकत्र करून मंद आचेवर शिजायला ठेवावे. 
  2. सतत हलवावे व गूळ विरघळल्यावर व गुळाचे पाणी आटून संपल्यावर गॅस बंद करावा. 
  3. त्यात ३ टीस्पून भाजलेली खसखसआवडीप्रमाणे वेलदोड्याची पूड घालून सर्व मिसळावे व गार व्हायला ठेवावे. 

कवाचासाठी :

  1. २ & १/२ मोठ्या वाट्या पाणी एका कढईत घ्यावे व त्यात एक चिमूट मीठ२ टीस्पून तेल घालून उकळी आणावी.  
  2. उकळल्यावर एका हाताने हलवत, दुसऱ्या हाताने हळू हळू २ मोठ्या वाट्या तांदुळाची पिठी घालावी. 
  3. सर्व मिसळून गॅस बारीक करावा व २ मिनिटे झाकण ठेऊन शिजवावे. 
  4. गॅस बंद करून एका वाटीच्या पालथ्या बाजूने किंव्हा पळीने ही उकड चांगली मळावी. 
  5. एकसारखी झाल्यावर झाकून कोमट व्हायला ठेवावी. 


कृती :

  1. कोमट झाल्यावर थोडे तेल व पाणी लाऊन उकड एकसारखी करावी व त्याचा २" मोठा गोळा घेऊन दोन्ही हातांने खोलगट करावा. 
  2. कडेने निऱ्या घालाव्यात व साधारण १-२ टेबलस्पून सारण भरून निऱ्या वर एकत्र करून मोदकाचे तोंड बंद करावे. 
  3. हा मोदक एका पाण्याच्या भांड्यात बुडवून एका तेल लावलेल्या भांड्यात ठेवावा. 
  4. असे सर्व उकड व सारणाबरोबर करावे. 
  5. तयार मोदक १०-१२ मिनिटे प्रेशर कुकर मधे प्रेशर न ठेवता उकडावेत. 
  6. गरम गरम मोदक तुपाबरोबर वाढावेत.