मिश्र डाळ :
(सर्व सामग्री रेखांकित केली आहे)
१. १/२ वाटी तुरीची डाळ, १/४ वाटी मुगाची डाळ , १/४ वाटी हरभऱ्याची डाळ, व १/४ वाटी मसूराची डाळ सर्व एकत्र मिसळून स्वच्छ धुआवे व ३ वाट्या पाणी घालून कुकर मधे ३ शिट्ट्या होईपर्यंत शिजवावे.
२. तीन शिट्ट्या झाल्यावर गॅस बारीक करावा व ५ मिनिटांनी बंद करावा. कुकर गार झाल्यावर डाळ बाहेर काढावी व रवीने थोडीशी घुसळून त्यात लागेल तसे पाणी घालावे. मला ही डाळ दाट आवडते म्हणून मी त्यात 2 वाट्या पाणी घातले आहे.
३. एका पातेल्यात ४ टीस्पून तेल गरम करावे व त्यात १ टीस्पून जिरे, १/४ टीस्पून हिंग, १ टीस्पून हळद, २ उभ्या चिरलेल्या हिरव्या मिर्च्या, ५-६ कढिलिंबाची पाने, १ बारीक चिरलेला कांदा, १ टीस्पून आल्याची पेस्ट, व १ टेबलस्पून बारीक चिरलेला लसूण घालावा. १/४ टीस्पून गरम मसाला घालावा.
४. कांदा व लसूण गुलाबी होईपर्यंत मध्यम आचेवर परतावे.
५. आता त्यावर शिजलेली डाळ घालावी व चवीप्रमाणे मीठ घालावे. २ टीस्पून लिंबाचा रस, व १ बारीक चिरलेला टोमॅटो घालावा.
६. एक उकळी आणून गॅस बंद करावा. वरून बारीक चिरलेली कोथिंबीर घालावी व गरम गरम डाळ पोळी किंव्हा भाताबरोबर खायला द्यावी.
कोणत्याही टिप्पण्या नाहीत:
टिप्पणी पोस्ट करा