धिरडे :
(सर्व सामग्री रेखांकित केली आहे)
१. एका भांड्यात १ वाटी कणीक (गव्हाचे पीठ), १/४ वाटी डाळीचं पीठ, १/४ वाटी तांदुळाची पिठी, १/४ वाटी ज्वारीचे किंव्हा बाजरीचे पीठ, सर्व मिसळावे.
२. त्यात २ टेबलस्पून तेल, चवीप्रमाणे मीठ, १ टेबलस्पून लसणाची पेस्ट, १ टीस्पून वाटलेली मिर्ची किंव्हा आवडीप्रमाणे लाल तिखट, घालावे.
३. त्यात १/४ वाटी कुठलीही भाजी, जसे, किसलेले गाजर, बारीक चिरलेल्या पालकाची किंव्हा मेथीची पाने, बारीक चिरलेली पत्ता कोबी, किंव्हा किसून दूधभोपाळा घालावा.
४. २ टेबलस्पून बारीक चिरलेली कोथिंबीर घालावी.
५. आता पाणी घालून, हाताने गोळे मोडत, डोस्याच्या पिठाप्रमाणे दाटसर पीठ भिजवावे.
६. गॅसवर तवा गरम व्हायला ठेवावा. तव्याच्या मधोमध ४ टेबलस्पून पीठ घालून एकसारखे गोल व पातळ पसरावे. गॅस मध्यम आचेवर ठेवावा. १/२ टीस्पून तेल सर्व बाजूंनी सोडावे व कडा गुलाबी दिसायला लागल्यावर उलटून टाकावे.
७. दुसऱ्या बाजूस ही थोडे गुलाबी डाग पडेपर्यंत शिजू द्यावे. गरम गरम धिरडे लोणी व लोणचे किंव्हा केचप बरोबर वाढावे.
कोणत्याही टिप्पण्या नाहीत:
टिप्पणी पोस्ट करा