गुरुवार, २८ मे, २०१५

भडंग / Bhadang

भडंग :


(सर्व सामग्री रेखांकित केली आहे)

१. ४ वाट्या कोल्हापुरी चुरमुरे एका कढईत किंव्हा मायक्रोवेव मधे १-२ मिनिटे गरम करून कुरकुरीत करून घ्यावेत. 

२. एका वाटीत ३ टेबलस्पून तेल घेऊन त्यात १ टीस्पून धन्याची पूड, १ टीस्पून जिऱ्याची पूड, १ टीस्पून मेतकूट (पर्यायी), २ टीस्पून साखर, १ टीस्पून तिखट, व चवीप्रमाणे मीठ घालून सर्व एकत्र मिसळावे. 

३. हे तेल व मसाल्यांचे मिश्रण चुरामुऱ्यावर घालावे व चांगले मिसळावे. 

४. एका कढईत १ टेबलस्पून तेल गरम करून त्यात १ & १/२ टेबलस्पून मोहरी, १/४ टीस्पून हिंग, व १/२ टीस्पून हळद, व १०-१२ कढिलिंबाची पाने बारीक चिरून घालावीत. 

५. १/२ वाटी शेंगदाणे घालून ते गडद रंगाचे होईपर्यंत परतावेत व गॅस बंद करावा. 

६. वरील फोडणी कोमट झाल्यावर चुरामुऱ्यावर घालावी व सर्व मिसळावे. 

७. पूर्ण गार झाल्यावर भडंग हवाबंद डब्यात भरून ठेवावेत. 

कोणत्याही टिप्पण्‍या नाहीत:

टिप्पणी पोस्ट करा