डब्बू मिर्ची (पीठ पेरून) :
(सर्व सामग्री रेखांकित केली आहे)
१. २ मध्यम आकाराच्या डब्बू मिर्च्या अर्ध्या कापाव्यात व आतील बिया काढून टाकाव्यात. २. आता मिरच्यांचे १" मोठे चौकोनी काप करावेत.
३. एका कढईत ४ टीस्पून तेल गरम करावे व त्यात १/२ टीस्पून मोहरी घालावी. मोहरी तडतडल्यावर त्यात १/२ टीस्पून जिरे, चिमूटभर हिंग, व १/२ टीस्पून हळद घालावी. आता चिरलेल्या डब्बू मिर्च्या घालाव्यात व सगळे मिसळावे.
४. गॅस बारीक करून झाकण ठेवावे व मिर्च्या मऊसर शिजू द्याव्यात. २-३ मिनिटांनी हलवावे व खूप मऊ होऊ देऊ नयेत.
५. आता २ टीस्पून तिखट, १/२ टीस्पून जिऱ्याची पूड, १/२ टीस्पून साखर, व चवीप्रमाणे मीठ घालून मिसळावे.
६. वरून ४ टेबलस्पून डाळीचे पीठ (बेसन) पसरून घालावे व सगळे चांगले मिसळावे. झाकण ठेऊन २ मिनिटे शिजू द्यावे.
कोणत्याही टिप्पण्या नाहीत:
टिप्पणी पोस्ट करा