आलू टिक्की (२० टिक्क्यांसाठी) :
(सर्व सामग्री रेखांकित केली आहे)
(सर्व सामग्री रेखांकित केली आहे)
टिक्कीच्या सारणासाठी :
१. १/४ वाटी हरभऱ्याची डाळ १ वाटी पाण्यात ४-५ तास भिजत घालावी.
२. सर्व पाणी काढून टाकावे व डाळ ग्राइंडर किंव्हा फूड प्रोसेसर मध्ये भरड वाटून घ्यावी.
३. वाटलेली डाळ प्रेशर कुकर मधे १५ मिनिटे एक शिट्टी येईपर्यंत शिजवावी. एक शिट्टी झाल्यावर गॅस बंद करावा व गार झाल्यावर डाळ बाहेर काढावी.
४. गार होण्यासाठी एका बशीत पसरून व गोळे मोडून ठेवावी.
५. एका कढईत २ टेबलस्पून तेल गरम करावे व त्यात शिजविलेली डाळ घालावी. एकदा हलवून गॅस बारीक करावा. त्यात १/२ ते ३/४ टीस्पून गरम मसाला, १ टीस्पून आमचूर, १ टीस्पून तिखट व चवीप्रमाणे मीठ घालून सर्व मिसळावे. ५ मिनिटे किंव्हा ओलसरपणा जाईपर्यंत परतावे. मग गॅस बंद करावा व हे सारण बाजूला ठेवावे.
टिक्कीच्या कावाचासाठी :
१. ८ बटाटे उकडून, सोलून व कुस्करून घ्यावेत.
२. ३ ब्रेडच्या स्लाइसेस पैकी एक घ्यावी व एका वाटीत पाणी घेऊन त्यात बुडवावी. दोन्ही हातांमध्ये दाबून पिळून घ्यावी व बटाट्यात मिसळावी. असेच बाकी दोन्ही स्लाइसेसचेही करावे. चवीप्रमाणे मीठ घालून सर्व एकत्र कालवावे.
३. सारणाचे २" गोळे करून घ्यावेत. एका गोळ्यात बोटानेच थोडा खोलगट भाग करावा व त्यात १ टीस्पून डाळीचे सारण भरावे. सगळ्या बाजूंनी वर आणावे व वरून बंद करावे. हाताने थोडे दाबून किंचित चपटे करावे. असेच सर्व गोळ्यांबरोबर करावे.
टिक्की तळण्याची कृती :
कोणत्याही टिप्पण्या नाहीत:
टिप्पणी पोस्ट करा