२ वाट्या गवार, शिरा काढून निवडून, हाताने मोडून घ्यावी व पाण्याने स्वच्छ धुआवी. २ टीस्पून तेल गरम करून त्यात १/२ टीस्पून मोहरी, चिमूटभर हिंग, व १/२ टीस्पून हळद घालून फोडणी करावी. एक छोटा बटाटा फोडी करून फोडणीत घालावा. थोडे परतून, त्यावर गवार टाकावी. चवीप्रमाणे मीठ, तिखट, २ टीस्पून काळा/ गोड मसाला, व १ टेबलस्पून गूळ घालून सारखे करावे. १/४ वाटी पाणी घालावे व मध्यम आचेवर झाकून शिजवावे. ४-५ मिनिटांनी हलवावे व जरूर वाटल्यास आणखीन थोडे पाणी घालावे. आवडत असल्यास १ टेबलस्पून दाण्याचे कूट* घालावे. झाकण ठेऊन भाजी पूर्ण शिजू द्यावी व मग गॅस बंद करावा.
*शेंगदाणे भाजून सालं काढून घ्यावेत व मिक्सर मध्ये भरड दळावेत.
(सर्व सामग्री रेखांकित केली आहे)
कोणत्याही टिप्पण्या नाहीत:
टिप्पणी पोस्ट करा