१ वाटी कणीक, १ टेबलस्पून रवा, चवीप्रमाणे तिखट व मीठ, १/२ टीस्पून ओवा, १ टीस्पून हळद, १ टेबलस्पून गरम करून तेल, हे सर्व एकत्र करून पाण्याने घट्ट कणीक मळावी. वाटल्यास वरून तेलाचा हात लावावा. कणीक पोळ्यांच्या कणकेप्रमाणे सैल नसावी पण लाटताना भेगा पडतील इतकी घट्ट ही नसावी. एका कढईत तळण्यासाठी तेल गरम करायला ठेवावे. कणकेचे एकसारखे १ इंचाचे गोळे करून घ्यावेत. एक गोळा हातांमध्ये गोल फिरवून दाबावा व पोळपाटावर त्याची अंदाजे २ मि. मी. जाड पुरी लाटावी व गरम तेलात तळून काढावी. पुरी तेलात सोडल्यावर काही सेकंदाताच फुगते. मग ती तेलातच उलटावी व गुलाबी रंगाची होईपर्यंत तळावी. एका पेपर टॉवेल वर काढावी. असेच सर्व कणकेच्या गोळ्यांचे करावे. गरम गरम पुऱ्या, लोणचे किंव्हा केचप बरोबर खायला द्याव्यात.
(सर्व सामग्री रेखांकित केली आहे)
कोणत्याही टिप्पण्या नाहीत:
टिप्पणी पोस्ट करा