अडई / Adai

अडई (६ जणांसाठी)

(सर्व सामग्री रेखांकित केली आहे)

                                     

१ वाटी तांदूळ, १/२ वाटी उडदाची डाळ, १/२ वाटी हरभऱ्याची डाळ, १/२ वाटी मुगाची डाळ, १ टेबलस्पून प्रत्येकी चवळी, हिरवे मूग, मसूर, छोले, हरभरे (इतर कुठलेही कडधान्य घातले तरी चालते.  जसे, राजमा, पांढरे वाटाणे, मटकी, वगैरे). वरील सर्व ५-६ तासांसाठी भिजत घालावे. १"आलं, ४-५ लसणाच्या पाकळ्या, ५-६ मिर्च्या व वरील भिजलेले धान्य, जरुरीप्रमाणे पाणी घालून, सर्व ग्राइण्डर मध्ये थोडे भरड वाटावे. तयार पिठात १ बारीक चिरलेला कांदा घालावा. चवीप्रमाणे मीठ घालावे. वाटल्यास वरून आणखीन पाणी घालावे. भज्याच्या पिठा इतके पातळ असायला हवे. 

एका वेळेला साधारण ३ मोठे चमचे पीठ घेऊन गरम तव्यावर जाडसर पसरावे. मध्यम विस्तवावर झाकण ठेऊन शिजू द्यावे. एकदा उलटून दुसरी बाजू ही भाजून घ्यावी.  गरम गरम अडई कोथिंबीर चटणी बरोबर खायला द्यावे.