फोडणीची पोळी/ फोडणीचा ब्रेड (२ जणांसाठी):
(सर्व सामग्री रेखांकित केली आहे)
उरलेली जास्तीची पोळी** मिक्सर मध्ये भरड कुस्करून घ्यावी. २ पोळ्यांसाठी* १ टेबलस्पून तेल एका कढईत गरम करून घ्यावे. त्यात १/२ टीस्पून मोहरी, चिमूटभर हिंग, १/२ टीस्पून हळद, व ४-५ कढिलिंबाची पाने घालून फोडणी करावी. त्यात १ हिरवी मिर्ची उभी चिरून, व ८-१० कच्चे शेंगदाणे घालावेत. दाणे किंचित गुलाबी झाल्यावर एक छोटा कांदा बारीक चिरून, त्यात घालावा. थोडा परतून त्यात कुस्करलेली पोळी घालावी व गॅस बारीक करावा. चवीप्रमाणे मीठ व थोडे तिखट घालावे. १ बारीक चिरलेला टोमॅटो व १ टीस्पून साखर घालावी. २ टीस्पून लिंबाचा रस घालून चांगले हलवावे व २ मिनिटांनी गॅस बंद करावा. वरून बारीक चिरलेली कोथिंबीर व बारीक शेव घालून गरम खावयास द्यावे.
*जर पोळी थोडी कमी असेल तर भरीला ब्रेड कुस्करून घातला तरी चालेल.
**पोळीच्या ऐवजी उरलेल्या ब्रेडचा 'फोडणीचा ब्रेड' असाच बनवावा.
कोणत्याही टिप्पण्या नाहीत:
टिप्पणी पोस्ट करा