बटाटा-मटार ग्रिल्ड सँडविच :
(सर्व सामग्री रेखांकित केली आहे)
सारण :
१. दोन उकडलेले बटाटे सोलून बारीक चिरून घ्यावेत.
२. एका कढईत २ टीस्पून तेल गरम करून त्यात १/२ टीस्पून मोहरी घालावी. मोहरी तडतडल्यावर त्यात एक चीमूटभर हिंग, १/२ टीस्पून हळद, ३-४ कढीलिंबाची पाने बारीक चिरून, २ टेबलस्पून बारीक चिरलेला कांदा, १/४ टीस्पून आल्याची पेस्ट, १/२ टीस्पून लसणाची पेस्ट, व १/२ टीस्पून गरम मसाला घालून चांगले परतावे.
३. त्यात चिरलेला बटाटा, व १/२ वाटी भरड वाटलेले मटार घालून सगळे मिसळावे.
४. गॅस बारीक करून १/४ टीस्पून आमचूर, व चवीप्रमाणे मीठ व तिखट घालावे. सर्व मिसळून एका मिनिटानी गॅस बंद करावा.
कृती:
१. २ ब्रेडच्या स्लाइसेस घेऊन दोन्हीवर लोणी लाऊन घ्यावे.
२. वरील सारणाचा अंदाजे १/२ सें. मी. जाड थर एका स्लाइस वर पसरावा. आता दुसरी स्लाइस वर ठेवावी. अश्या प्रकारे सर्व सँडविचेस तयार करून घ्यावेत.
कोणत्याही टिप्पण्या नाहीत:
टिप्पणी पोस्ट करा