१ वाटी तांदूळ, व १/२ वाटी तुरीची डाळ स्वच्छ धुऊन घ्यावेत व प्रेशर कुकर मध्ये एकत्रच, ४ वाट्या पाणी घालून मऊसर शिजवावेत. एका छोट्या अर्ध्या लिंबाएवढी चिंच १/२ वाटी पाण्यात भिजत घालावी. एका कढईत ४ टीस्पून तेल गरम करावे व १ टीस्पून मोहरी, १/२ टीस्पून हिंग, १ टीस्पून हळद, व ७-८ कढिलिंबाची पाने घालून फोडणी करावी. त्यात एक उभा चिरलेला चिरलेला कांदा, १ साल काढून उभे तुकडे केलॆले गाजर, १/२ वाटी दूधभोपळ्याच्या साल काढून फोडी, १/२ वाटी डब्बू मिर्चीच्या मोठ्या फोडी, व एका छोट्या बटाट्याच्या साल काढून फोडी, हे सर्व घालावे. एक वाटी पाणी घालून झाकावे व शिजू द्यावे. (कांदा सोडून बाकी सर्व भाज्या मायक्रोवेव मध्ये शिजवून घेतल्या तरी चालतील. तसे केल्यास, कांदा फोडणीत गुलाबी रंगाचा होईपर्यंत परतावा व मग शिजलेल्या भाज्या घालाव्यात.) आता त्यात शिजलेले डाळ व तांदूळही घालावेत. गॅस बारीक करावा व त्यात ३ टेबलस्पून बिशीब्याळी मसाला किंव्हा काळा/गोडा मसाला घालावा. वरून वाटल्यास थोडे आणखीन पाणी घालावे.चवीप्रमाणे मीठ व तिखट घालावे. छोट्या अर्ध्या लिंबा एवढी चिंच कोळून घालावी. सर्व हलवून एक उकळी आल्यावर गॅस बंद करावा. वरून बारीक चिरलेली कोथिंबीर घालून गरम गरम खायला द्यावे.
(सर्व सामग्री रेखांकित केली आहे)
कोणत्याही टिप्पण्या नाहीत:
टिप्पणी पोस्ट करा