दूधभोपळ्याची भाजी (टोमॅटो घालून) :
(सर्व सामग्री रेखांकित केली आहे)
१. दूधभोपळ्याची सालं काढून त्याची १"x १" मोठे काप करून घ्यावेत. चिरताना मधल्या जून व मोठ्या बिया काढून टाकाव्यात.
२. १ वाटी चिरलेला दूधभोपळा घ्यावा. एका कढईत २ टीस्पून तेल गरम करावे. त्यात १/४ टीस्पून मोहरी घालावी. मोहरी तडतडल्यावर त्यात चिमूटभर हिंग, १/४ टीस्पून हळद, ४ लवंगा, व १" मोठा दालचीनीचा तुकडा घालावा. थोडेसे परतावे.
३. त्यावर चिरलेला दूधभोपळा घालावा. त्यात १/४ टीस्पून धन्याची पूड, १/४ टीस्पून जिऱ्याची पूड, १/४ वाटी पाणी व चवीप्रमाणे मीठ व तिखट घालावे.
४. झाकण ठेऊन फोडी मऊ होईपर्यंत शिजवावे.
५. वरून बारीक चिरलेली कोथिंबीर घालावी.
६. दूधभोपळ्याची भाजी गरम पोळी किंव्हा फुलक्याबरोबर वाढावी.
कोणत्याही टिप्पण्या नाहीत:
टिप्पणी पोस्ट करा