पोहे :
(सर्व सामग्री रेखांकित केले आहे)
१. २ वाट्या मध्यम जाड पोहे एका रोळीत पाण्याने धुऊन घ्यावेत. व निथळायला १० मिनिटे ठेवावेत.
२. १/४ वाटी मटारचे दाणे थोडे पाणी घालून मायक्रोवेव मधे शिजवावेत. फ्रोझन मटार वापरल्यास शिजवायची गरज नाही.
३. एका कढईत २ टेबलस्पून तेल गरम करून घ्यावे व त्यात १ टीस्पून मोहरी घालावी. मोहरी तडतडल्यावर त्यात १/४ टीस्पून हिंग, १/२ टीस्पून हळद, २ हिरव्या मिर्च्या उभ्या चिरून, ५-६ कढिलिंबाची पाने, व एका बटाट्याच्या पातळ चकत्या घालाव्यात.
४. बटाटे किंचित गुलाबी होईपर्यंत परतावे व मग झाकण ठेऊन बटाटे पूर्ण मऊ होईपर्यंत शिजवावे.
५. आता १ कांदा बारीक चिरून घालावा व २ मिनिटे परतावा.
६. त्यावर निथळलेले पोहे घालून चांगले मिसळावे.
७. फ्रोझन किंव्हा शिजविलेले मटार घालून, १ & १/२ टीस्पून साखर, चवीप्रमाणे मीठ, व १ & १/२ टीस्पून लिंबाचा रस घालून सर्व हलवावे.
८. २ मुठी पाणी सगळ्या पोह्यांवर शिंपडावे व गॅस बारीक करून, झाकण ठेवावे. ५ मिनिटे शिजू द्यावे व मधे मधे एक दोनदा हलवायला विसरू नये.
९. गॅस बंद करावा व वरून बारीक चिरलेली कोथिंबीर किंव्हा बारीक शेव घालून गरम गरम पोहे खायला द्यावेत.
कोणत्याही टिप्पण्या नाहीत:
टिप्पणी पोस्ट करा